Bombardimi i një spitali në veri-perëndim të Sirisë ditën e shtunë ka shkaktuar vdekjen e 10 personave, përfshirë fëmijë, raporton Observatori Sirian për të Drejtat e Njeriut.
Spitali gjendet në qytetin e Meles, 15 kilometra nga qyteti i Idlibit, në provincën e Idlibit të kontrolluar nga rebelët.
Në Siri operojnë avionët e regjimit sirian dhe avionët ushtarakë rusë, por sipas Observatorit, akoma nuk dihet se kush e ka kryer sulmin.
Grupet humanitare prej kohësh kanë bërë thirrje për ndalimin e bombardimeve në godinat spitalore. Grupet e opozitës siriane thonë se focat ruse dhe ato të regjimit sirian i shënjestrojnë qellimisht ndërtesat spitalore.
Grupi humanitar mjekësor, Shoqëria e Mjekësore Siriano-Amerikane (SAMS) tha se korriku ka qenë muaji më i tmerrshëm për sa i përket sulmeve ndaj qendrave mjekësore që prej fillimit të konfliktit siran pesë vjet më parë.
“Gjatë muajit korrik ka pasur 43 sulme mbi goditat mjekësore në Siri – më shumë se një sulm në ditë,” tha SAMS në një deklaratë. /tesheshi.com/
