Një video që tregon kreun e Hayat Tahrir al-Sham (HTS) në Siri duke i kërkuar një gruaje të mbulojë flokët me shami përpara se të pranojë të fotografohet, po shkakton reagime të llojllojta.
Ky episod me Ahmed al-Sara, i njohur më parë me emrin e luftës Abu Mohammed al-Jolani, ndodhi më 10 dhjetor gjatë një vizite në lagjen Meza të Damaskut.
Në video, al-Jolani shihet duke këshilluar gruan e quajtur Lea Keirala për të mbuluar flokët e saj, ndërsa ajo pranon pa reagim, para se të fotografohen.
“Nuk e kam detyruar. Por është e drejta ime personale. Unë dua që fotot që bëj të më përshtaten”, u përgjigj al-Jolani duke folur për BBC.
Keirala gjithashtu lëvizi në të njëjtën frymë, duke thënë se al-Jolani e këshilloi atë “në një mënyrë të mirë dhe atërore” duke vlerësuar se “lideri ka të drejtë të paraqitet në mënyrën që ai e sheh të arsyeshme”.
Megjithatë, këto imazhe shkaktuan reagime si nga komentues liberalë.
Liberalët kanë shprehur shqetësimin se lëvizja e al-Jolanit është një tregues i parë se ai do të dëshirojë të zbatojë ligjin islam në Siri. “A po shkon drejt sundimit islam?”, pyeti idiotikisht një komentator i France 24. /tesheshi.com/
