Banorët lokalë dhe turistët mblidhen për çdo ditë në Kirjat Jam të Izraelit, me shpresë se do të shohin të ashtëquajturën Sirenë deti, të cilën pretendojnë se kanë parë disa njerëz, para se ajo të ikte me shpejtësi në ujë.
Shlomo Cohen, njëri ndër njerëzit e parë që pretendon se e ka parë atë, thotë: “Isha me miqtë, kur papritmas pamë një grua që ishte shtrirë në rërë në një mënyrë të çuditshme. Në fillim mendova se ishte vetëm një femër e rëndomtë që merrte reze, por pasi që u afruam, ajo kërceu në ujë dhe u zhduk. Ne të gjithë kishim mbetur si të pagojë, për shkak se kishim parë se gruaja kishte bisht”.
Kuvendi i qytetit Kirjat ka ofruar 1 milion dollarë për personin e parë i cili do ta fotografojë sirenën e raportuar të detit, por deri më tani këtë shumë nuk e ka përfituar dot aksush, ngase Sirena nuk duket asgjëkundi. /tesheshi.com/
