Legjenda e Brazilit, Ronaldo ka thënë se beson se ylli i Francës, Kylian Mbappe do të votohet si lojtari më i mirë në Kupën e Botës 2022.
“Ne e shohim se sa i shpejtë dhe i mirë është ai. Stili i tij më kujton kohën kur luaja. Ai di të përdorë talentin e tij. Ai është më i shpejtë se lojtarët e tjerë dhe mund ta përdorë atë avantazh për të shënuar gola,” ishte vlerësimi i Ronaldos për Mbappe.
Duke treguar se Franca është favorite për të fituar Botërorin, ish-futbollisti 46-vjeçar tha se është i të njëjtit mendim si para fillimit të kampionatit.
Mendoj se Mbappe do të zgjidhet lojtari më i mirë i këtij kampionati”, ka thënë Ronaldo.
Duke komentuar ndeshjen në të cilën Anglia humbi 2:1 ndaj Francës, Ronaldo tha:
“Anglia luajti futboll shumë të mirë kundër Francës. Britanikët duhet të jenë krenarë për kombëtaren e tyre.”
Kujtojmë se humbjen më të madhe në karrierë, Ronaldo e ka pikërisht me Francën, në finalen e Botërorit të 1998-ës, me rezultat 3-0. Ishte koha kur shklqente ai, por gjithashtu dhe Zidane. /tesheshi.com/
