Saif al-Adel, një ish-oficer i forcave speciale egjiptiane, i cili është një anëtar i rangut të lartë të Al Kaeda-s, për të cilin është dhënë një shpërblim prej 10 milionë dollarësh, tani është udhëheqësi “i padiskutueshëm” i grupit të armatosur, sipas një raporti të ri të OKB-së për organizatën famëkeqe.
Al Kaeda nuk ka emëruar zyrtarisht një pasardhës të Ayman al-Zawahirit, i cili besohet të jetë vrarë në një sulm raketor amerikan në Kabul vitin e kaluar, duke i dhënë një goditje të re organizatës që kur themeluesi i saj Osama bin Laden u vra në 2011.
Megjithëse një zyrtar i inteligjencës amerikane tha në janar se trashëgimia e Zawahirit mbeti e paqartë, një raport i Kombeve të Bashkuara që vlerësonte rreziqet nga grupi tha: “Në diskutimet në nëntor dhe dhjetor, shumë shtete anëtare morën mendimin se Saif al-Adel kishte vepruar tashmë si de fakto dhe lider i padiskutueshëm i grupit.”
Vdekja e Zawahirit ka bërë presion mbi grupin për të zgjedhur një udhëheqës strategjik, thonë ekspertët e al-Kaida-s.
“Personalitet dinak me një fytyrë pokeri”
Ndryshe nga paraardhësit e tij të vrarë, të cilët mbajtën një profil të lartë duke publikuar video që kërcënonin Shtetet e Bashkuara, ekspertët thonë se al-Adel planifikoi sulme nga hija, ndërsa ndihmoi në shndërrimin e Al Kaeda-s në grupin më vdekjeprurës në botë.
Adel u padit nga një juri e madhe federale në nëntor 1998 për rolin e tij në bombardimet e ambasadave amerikane në Tanzani dhe Kenia që vranë 224 civilë dhe plagosën më shumë se 5000 të tjerë.
Përveç operacioneve në Afrikë, kampeve të tij të trajnimit dhe lidhjes së tij me vrasjen e gazetarit amerikan Daniel Pearl në Pakistan në vitin 2002, sipas hetuesve amerikanë, dihet pak për al-Adel.
Departamenti Amerikan i Shtetit thotë se al-Adel është i vendosur në Iran. Programi Shpërblime për Drejtësi i departamentit ofron deri në 10 milionë dollarë për informacion mbi al-Adel, i cili thuhet se është anëtar i “këshillit drejtues” të al-Kaida-s dhe kryeson komitetin ushtarak të organizatës.
Në faqen e internetit të programit thuhet se pas bombardimeve në Afrikë, ish-nënkoloneli i ushtrisë egjiptiane u zhvendos në Iranin juglindor, ku jetoi nën mbrojtjen e Korpusit të Gardës Revolucionare të atij vendi.
Ai dhe udhëheqës të tjerë të Al Kaeda-s u vendosën në arrest shtëpiak nga Irani në prill 2003, por që u liruan në këmbim të një diplomati iranian të rrëmbyer në Jemen.
Ali Soufan, një ish-agjent special i FBI-së që gjurmonte operativët e al-Kaeda-s, shkroi në një profil të mbajtur nga Qendra Kundër Terrorizmit se al-Adel, emri luftarak i të cilit do të thotë “shpata e drejtësisë”, u përshkrua si “një personalitet dinak me një fytyrë pokeri”. Emri i tij i vërtetë është Mohammed Salahuddin Zeidan.
Në fund, shumëçka ngjan me një konpsiracion, me një thriller ku sa mund të ketë të vërteta, mund të ketë po aq dhe sajesa.
Siç për ISIS, ashtu dhe për Al Kaida-n, mbeten pikëpyetje të mëdha që lindin nga dritëhije konspirative, siç i tillë është dhe 11 Shtatori 2001.
Më e pakta, grupimeve apo individë të tillë nuk kanë asnjë lidhje logjike me Islamin apo profilin e një muslimani.
Kjo e vërtetë doli në pah në Guantanamo, ku pothuajse asnjë i burgosur aty nuk rezultoi të ishte ndonjë terrorist. Përkundrazi, vetë kampi amerikan është kthyer në famëkeq pikërisht nga fakti se mban prej vitesh aty njerëz të pafajshëm. /tesheshi.com/
