Sindromi “Kaçaj” iu shfaq Bindjes Demokratike dhe në Kavajë dhe po me të njëjtin arsyetim: jo zgjedhjeve fasadë.
Pas kandidatit të Lezhës, ish-kreut të komunës së Shëngjinit Salvador Kaçaj, i cili ndërroi mendje në pa orë, është Bledar Sinella për Kavajën që ka ndërruar mendje
“Në media jam njohur me faktin se Bindja Demokratike e ka depozituar kandidaturën time në KQZ. Zgjedhjet janë të vërteta, kur ka garë reale. Rruga e duhur për Kavajën dhe Shqipërinë dhe jo zgjedhjet fasadë”, shprehet Sinella.
Më parë, “Bindjes” iu largua dhe Dejvis Hebibasi në Skrapar.
Për kët raste të paprecedenta, Patozi e ka një shpjegim:
“Kurrë më parë nuk ka ndodhur që një partie politike, ndonëse fare e re, t’i sulmohen, përgjohen dhe merren peng, që nga firmëtarët e deri tek kandidatët e saj për zgjedhjet e 30 qershorit. Nuk ia vlen të merreni me inkuizitorët, ndonëse i njohim me emra, ua dimë edhe zyrat ku i kanë thirrur të penduarit, në prani të dëshmitarëve mediatikë. Sepse koha e tyre po skadon me shpejtësi. Është koha e Bindjes Demokratike”, ka qenë reagimi i Astrit Patozit, koordinator i Bindja Demokratike. /tesheshi.com/
