Është prononcuar edhe kryetari i Listës Serbe, Slavko Simiq për iniciativën e presidentit Thaçi për ushtrinë, të cilën e quan politike dhe luftë në mes liderëve.
“Shumë udhëheqës politikë në Kosovë padyshim ende kanë një dëshirë të madhe për të arritur nëpërmjet iniciativave të tilla pushtetin politik, qytetarët janë të vetëdijshëm se vendi po përballet me problem, siq është niveli i lartë i papunësisë së të rinjve” thotë Simiq, në një intervistë për Telenews.al.
Ai shton se ushtria nuk mund të bëhet pa mbështetjen e komunitetit pakicë në Kosovë.
“Unë besoj se shumë njerëz do të kuptojnë , pas një mesazhi të qartë të SHBA-s, NATO-s dhe BE-së, që Qeveria e as Kuvendi nuk e kanë mbështetjen për të zgjeruar juridiksionin e FSK-së, dhe se kjo është e mundur vetëm në kuadër të Kushtetutës dhe me mbështetjen e deputetëve nga komunitetet pakicë”, shprehet Simiq.
Ai ka folur edhe rreth kthimit të kësaj partie në Kuvend.
Sipas shefit të deputetëve serb nuk ka ndonjë datë të caktuar rreth kësaj teme, por shton se dialogu në mes Prishtinës dhe Beogradit duhet të vazhdojë. /tesheshi.com/
