Duke qenë fituese, në raport me subjektet tjera politike nga komuniteti serb, Lista Serbe, e cila pretendon se i ka fituar nëntë ulëse në Kuvendin e Kosovës, i ka dërguar mesazhe qeverisë së ardhshme të Kosovës, se asnjë ndryshim kushtetues nuk do të mundë të bëhet pa harmonizimet me këtë subjekt politik.
“Në periudhën e ardhshme përmes mandateve që do t’i marrim në Kuvendin e Kosovës do të parandalojmë ndryshimet kushtetuese, pastaj do të parandalojmë që të adresohen kufijtë e shtetit tonë dhe natyrisht që do të parandalojmë procesin e formimit të ushtrisë së Kosovës”, ka thënë Sllavko Simiq, kreu i Listës Serbe, i cili ka thënë se partisë së tij do t’u bashkohet edhe përfaqësuesi i goranëve, dhe do të bëjnë një grup parlamentar prej 10 deputetëve.
Kujtojmë se “Srpska” është fokusuar në angazhimet për themelimin e Asociacionit të komunave serbe dhe pengimin e themelimit të ushtrisë së Kosovës.
Sidoqoftë, Lista Serbe, në bazë të Kushtetutës së Kosovës, pavarësisht se cili bllok politik nga forcat politike shqiptare do ta formojnë qeverinë e ardhshme, pritet të jetë pjesë e ekzekutivit kosovar, sikurse edhe pakicat tjera joserbe. /tesheshi.com/
