Diego Pablo Simeone, trajner i Atletico Madridit njihet për karakterin entuziast të tij, festimin e golave si i çmendur dhe shpeshherë edhe për protestat e zhurmshme. Por, në duelin e fundjavës “Cholo” nuk pati kohë as të festonte golin e realizuar nga Fernando Torres, pasi ai po shihte nëse Messi ishte gati të futej në fushën e lojës.
Pse nuk e festuat golin e Fernando Torres? Kjo ishte njëra nga pyetjet drejtuar Simeones në konferencën e zakonshme pas ndeshjes. Argjentinasi u përgjigj menjëherë por duke dhënë një deklaratë që nuk pritej:.
“Nuk kisha kohë. Isha duke parë se a ishte gati Messi të futej në fushën e lojës”, theksoi Simeone.
Ashtu edhe duhej të ishte, pasi pikërisht ishte Messi që e vendosi ndeshjen me një gol fantastik në prekjet e tij të para me topin. Kështu, Simeone nuk mundi as të festonte golin dhe në të njëjtën kohë i mbeti pengu i Messit, por kështu ndodh kur përballë ke katër herë fituesin e topit të artë. /tesheshi.com/
