Nga targa e makinës së Tahiri, tek portretet e kapove të krimit; nga tepsia e LSI-së, te portreti i Ardit Gjokeajt; mes tyre një fshesë për kanabisin.
Këto janë simbolet e protestës së opozitës. Nuk ka asnjë flamur partiak por vetëm imazhet e denoncimeve kundër qeverisë.
Të rinjtë e Forumit Rinor të PD e nisën protestën me dy banderola dhe një kurorë me simbolikën e kanabisit, mbi fotot e kryeministrit, ish-ministrit Tahiri, Balilit, Habilajt, Shullazit, Durim Keçit, Elvis Rroshit dhe Frrokut. Këto simbolika me ironi ishin zgjedhur nga demokratët për të protestuar para Kryeministrisë kundër qeverisë Rama, që e akuzojnë për kanabizimin dhe kriminalizimin e vendit.
Pjesë e këtij instilacioni ishte edhe një divan ku Edi Rama është i ulur me të njëjtët figura, pasi sipas PD i mbron me pushtetin e tij. “Rama ka nisur marrjen e drejtesise nen kontroll. Disa prej tyre kane dale nga burgu, te tjere nuk kapen nga policia edhe pse u dihet vendndodhja dhe per pjesen tjeter po deshtohen hetimet”, deklaron PD.
“Fshesa” është një tjetër simbolikë e protestës së opozitës. Të rinjtë e PD kanë dalë nga selia blu me ato në duar dhe janë drejtuar drejt Kryeministrisë. Fshesat e përdorura nga opozitarët janë simbol që kërkon largimin e qeverisë.
Por përpos tyre protestuesit mbajnë edhe qese me vezë në duar. /tesheshi.com/
