Kryeministrja finlandeze Sana Marin ka marrë një rezultat negativ nga një test droge që i është nënshtruar pasi publikoi një video të një feste ku po argëtohej me miqtë.
Në rrjetet sociale filluan të qarkullojnë videot e saj nga një prezencë e 36-vjeçares në një festë, ku si ajo e si pjesëmarrësit e tjerë silleshin çakëqejf, vështirë e besueshme që s’ishin nën efekte droge apo alkooli.
Ajo tha javën e kaluar se ishte e mërzitur për shfaqjen e një videoje të saj private, sepse videot, tha ajo, ishin të destinuara vetëm për miqtë.
Marin, e cila u bë kryeministrja më e re në botë në dhjetor 2019, pranoi t’i nënshtrohej një testi droge të premten, duke thënë se ajo nuk kishte marrë kurrë drogë dhe se nuk kishte parë askënd që ta bënte atë në festën ku mori pjesë.
Udhëheqësja e Social Demokratëve të Finlandës tha gjithashtu se aftësia e saj për të kryer detyrat e saj si kryeministre të shtunën mbrëma nuk ishte komprometuar dhe se ajo do të largohej nga partia nëse do të ishte e nevojshme për të bërë punën e saj.
Një pjesë e publikut në Finlandë shprehu mbështetje për kryeministren Marin, ndërsa një pjesë tjetër shprehu dyshime për aftësinë e saj të plotë për të arsyetuar. /tesheshi.com/
