Shanset që të ndodhë janë shumë të pakta, por nëse e zhvendosim zhvillimin politik të tanishëm, ku pra opozita kërkon qeveri teknike, në një rrafsh hipotetik, cili do ishte njeriu që do e drejtonte këtë lloj qeverie?
Emri i tij është hedhur ditë më parë në tregun e madh të mediave sociale, nga një person i afërt me Metën. Dhe do ishte pikërisht ky i fundit këtë emër, dikur afër tij e sot në kampin e Ramës, por jo tek rrethi i ngushtë. Është ndër ata socialistë të epokës Nano, i ndarë dikur me këtë të fundit në KPD-në e famshme, po për shkak të rreshtimit krah Metës.
Berisha e ka sulmuar rregullisht para se të vijë në pushtet në 2005-ën, aq sa dukej se do e ndëshkonte rëndë, por që as e ngacmoi më pas, duke lënë të nënkuptuar se politika kështu e ka, edhe do hidhet ndonjë akuzë, e thënë kjo troç më pas pas një pakti miqësor me Nanon. Pra, është fjala për të ashtëquajturin prej Berishës, “Mamuth i korrupsionit”, por që ish-lideri demokrat nuk e vërtetoi kurrë që ishte i tillë, Anstas Angjeli.
Angjeli është personi ku më së shumti bashkohen Rama e Meta, por që nuk dihej nëse do bashkohej dhe Basha. Tashmë ai është deputet i PS-së, pa ndonjë post qoftë dhe në nivele të dyta, ku në zgjedhjet e afërta pritet të kandidojë në një zonë “të huaj” për të, Peqin.
Megjithatë, e gjitha është një “sikur” me pak shanse të ndodhë. /tesheshi.com/
