Presidenti i SHBA tha se familjet në SHBA po luftojnë me rritjen e çmimeve për shkak të mënyrës se si funksionon ekonomia globale.
Edhe presidenti Biden, siç Rama te ne, ia atribuon faktorëve të jashtëm globalë situatën e sikletshme ekonomike dhe financiare në SHBA.
Ai tha se presidenti rus Vladimir Putin dhe pandemia e virusit Corona ishin arsyet e inflacionit rekord në SHBA, duke shtuar se rritja e çmimit nuk kishte të bënte fare me politikat e administratës së tij.
“Ne e dimë se familjet amerikane po luftojnë me rritjen e çmimeve. Për të qenë të qartë pse çmimet janë të larta tani, ka dy arsye: e para është për shkak të mënyrës se si funksionon ekonomia globale.
Pandemia ka bërë ndërprerje të shumta në zinxhirin e furnizimit dhe zinxhiri i furnizimit është shumë i rëndësishëm, sepse shumë lëndë vijnë nga e gjithë bota”, tha Biden.
“Arsyeja e dytë, arsyeja e madhe e inflacionit, është Vladimir Putin. Ne kemi parë efektin në çmimin e gazit sapo ai vendosi trupat e tij në kufirin me Ukrainën”, tha Biden.
Presidenti amerikan pretendon se rritja aktuale e çmimit të gazit është kryesisht për shkak të Putinit dhe se e gjithë kjo nuk ka të bëjë fare me planin për shpëtimin e ekonomisë.
“Ne do ta rregullojmë të gjithë këtë,” tha Biden. /tesheshi.com/
