Ministria e Bujqësisë bën të ditur se shumë shpejt do të nisë eksportimi i mishit shqiptar drejt tregut serb.
“Jemi njoftuar nga autoritetet Serbe se, aktualisht, çertifikatat shëndetësore për eksportin nga Republika e Shqipërisë për kafshët e gjalla dhen dhe dhi dhe mishin e tyre janë fuqi dhe përcjellë në pikat inspektimit kufitar të Serbisë. Në këtë mënyrë konsiderohet që eksporti i tyre është i hapur dhe ngarkesat mund të nisen në çdo kohë”, thuhet në një njoftim të dikasterit të drejtuar nga Niko Peleshi.
Ka qenë pikërisht një takim mes këtij të fundit dhe homologut serb, që ka vendosur mbi certifikatat certifikatat shoqëruese të produkteve bimore dhe shtazore që do eksportohen nga Shqipëria drejt Serbisë.
Ministria e Bujqësisë thotë se deri më tani, i gjithë prodhimi mishor ishte i dedikuar vetëm për tregun e brendshëm. Ndërsa këtej e tutje këtij tregu i shtohet ai serb me rreth 7 milionë banorë. /tesheshi.com/
