Shkencëtarët amerikanë kanë njoftuar se kanë shëruar me sukses gruan e parë dhe personin e tretë në total nga SIDA, duke transplantuar palcën e eshtrave të një dhuruesi që kishte imunitet natyror ndaj virusit që shkakton sëmundjen, raporton Reuters.
Rasti i një pacienteje me racë të përzier në moshë të mesme u prezantua në një konferencë shkencore mbi retroviruset dhe infeksionet në Denver dhe ajo është personi i parë që trajtohet me një metodë të re që përfshin qelizat burimore të gjakut të kordonit kërthizor.
Pas marrjes së gjakut të kordonit kërthizor për trajtimin e leuçemisë akute mieloide, një formë kanceri që formohet në qelizat që formojnë gjak në palcën e eshtrave, pacienti është në remision dhe është shëruar nga virusi për 14 muaj.
Dy burra janë shëruar deri më tani
Deri më tani, dy raste të kurave ndaj SIDA-s kanë impaktuar meshkujt, një i bardhë dhe një latin, dhe janë kuruar përmes qelizave staminale të rritura, të cilat zakonisht përdoren në transplantet e palcës kockore.
Ky rast është pjesë e një studimi më të madh që merret me trajtimin e 25 personave që jetojnë me HIV, të cilët do t’i nënshtrohen një transplanti të palcës kockore. Të gjithë ata fillimisht do t’i nënshtrohen kimioterapisë për të hequr qelizat kancerogjene. Ata më pas do të transplantohen me palcën e eshtrave nga njerëzit me një mutacion gjenik specifik, të cilët nuk kanë receptorë që virusi i përdor për të infektuar qelizat.
Shkencëtarët besojnë se këta individë më pas do të zhvillojnë një sistem imunitar që është rezistent ndaj HIV. /tesheshi.com/
