Portugezi 31-vjeçar ka marrë për herë të katërt çmimin “Topi i Artë”, diçka që qe paralajmëruar. Ky i 2016-s vjen pas sukseseve në Europian dhe në Champions League.
Ronaldo ndihmoi Realin e Madridit të fitonte këtë vit Champions League-n, ashtu siç ndihmoi Portugalinë të shpallej për herë të parë kampione e Europës.
Ky çmim vjen pas atij të fituar në 2008-n, 2013-n dhe 2014-n. CR7-a ka tani një “Top të Artë” më pak se Lionel Messi, që e ka fituar çmimin pesë herë, përkatësisht në vitet 2009, 2010, 2011, 2012 dhe 2015.
“Eshtë nder i madh për mua të marr të katërtin ‘Top të Artë’. Emocioni është si për të parin; është një ëndërr e bërë realitet. Kurrë nuk e kam menduar se do ta fitoja katër herë ‘Topin e Artë’. Jam i kënaqur. Ndjehem krenar dhe i lumtur,” ka deklaruar portugezi.
Për çmimin u votua nga 173 gazetarë në tërë botën.
Një çmim i dhënë për çdo vit nga France Football që nga 1956-a; bashkëpunimi me FIFA-n në dhënien e çmimit do të merrte fund në shtatorin e lënë pas. /tesheshi.com/
