Mbrëmë, Alexander Sergeyevich Zaldostanov, i njohur më shumë si “Kirurgu”, ka uruar “Republikat e Donetskut dhe Luhanskut për çlirimin e tyre”, si dhe presidentin e Rusisë, Vladimir Putin.
Zaldostanov, themeluesi dhe udhëheqësi i klubit pro-rus, të krahut të djathtë të motoçikletave “Night Wolves”, postoi një video të urimit në Facebook, me përshkrimin e mëposhtëm:
“Ka mbaruar. Ujqërit e natës falënderojnë Presidentin e Rusisë dhe Donbass uron vëllezërit e tij për Ditën e Çlirimit”, thuhet në njoftim.
Në video shfaqet turma në selinë e “Ujqërve të natës” në Moskë, ku një numër i madh motoçiklistësh u mblodhën për të dëgjuar lajmin.
https://youtu.be/o9da0ga56nM
“I dashur Vladimir Vladimirovich, që nga rënia e BRSS, lufta ka qenë në pragun tonë. Ne ju kemi ndihmuar në përpjekjet tuaja për të larguar armiqtë nga pragu i derës… Nuk mund të presim një orë apo një ditë. Vëllezërit tanë dhe miqtë tanë janë atje në Donbas… Ne nuk jemi parti politike, as pretendojmë pushtet, por si qytetarë të Rusisë ne mbështesim vendimin tuaj për të njohur Donbasin”, tha ndër të tjera Zaldostanov.
Ai thotë se “Ujqërit e natës” janë gati të mbështesin Donbasin në çdo kohë dhe kudo.
Më 12 mars 2013, Presidenti i Federatës Ruse, Vladimir Putin, i dha Zaldostanovit “Urdhrin e Nderit”. /tesheshi.com/
