Një histori e pazakontë vjen nga Devon, Britani, ku veterinerët në The Donkey Sanctuary në Sidmouth shpëtuan jetën e një gomari të sëmurë rëndë me një bllokim në stomak duke përdorur një Coca Cola.
Joey nga kjo strehë e gomarëve, kishte një gjendje të njohur si impaksion gastrik. Ishte aq e keqe sa nuk mund të hante e të pinte asgjë dhe, siç thonë ata, kishte dhimbje të tmerrshme. Por veterinerët i dhanë Joey-t 24 litra nga kjo pije e gazuar gjatë katër ditëve, përmes një tubi në hundë, dhe ai tani është “kthyer në lumturinë e tij të zakonshme”.
Veterineri Jamie Forrest i tha BBC-së se Cola “zgjidhi bllokimin”, një procedurë që ata tashmë e kishin provuar me “rezultate vërtet të mira”. Ai shpjegoi se ata përdorën Cola me sheqer sepse Joey kishte nevojë për kalori shtesë për të parandaluar dëmtimin e mëlçisë dhe veshkave.
“Ne i dhamë Coca-Cola duke i vendosur një tub në hundë Joey-t, i cili hyri direkt në stomakun e tij”, tha ai. “Dhe pastaj i dhamë Coca-Cola tri herë në ditë për katër ditë për të prishur bllokimin dhe funksionoi!”
Problemet me stomakun janë të rralla te gomerët dhe këta veterinerë kanë vetëm disa raste në vit, tha ai, por gjithashtu paralajmëroi se vetëm një veteriner duhet t’u japë Cola kafshëve për një arsye specifike.
“Joey është kthyer në veten e tij të zakonshme të lumtur dhe ai ka bërë një mik të ri, kështu që ai po ecën shumë mirë,” tha ai. /tesheshi.com/
