Në Bruksel, në konferencën e shtypit me Ramën, presidenti Vuçiç mbrojti projektin “Open Balkan”, duke futur në lojë tezën e “frikës nga lufta”.
Sipas tij, Ballkani i Hapur është një shans për paqe në rajon.
“Kemi pasur trysni nga shumë vende të fuqishme, nga udhëheqësit e tyre, për llojin e nismës, natyrën e nismës, por ne po bëhemi gjithmonë e më të fortë se besuam te kjo. Nisëm të besojmë te vetja. Kemi vetëbesim më të madh sot. E dimë që duhet të mbajmë paqe dhe qetësi në rajon. Kjo është ajo që kemi nevojë. Thjesht hidhini një sy një dite luftimesh në Ukrainë. Doni të keni një luftë në Ballkan? Unë nuk dua. Mos e nënvlerësoni nismën tonë, sjell njerëzit bashkë. Nuk është e mirë për të dy ne, por për popujt tanë, vendet tona”, tha Vuçiç me Ramën në krah.
Por kur erdhi pun ate Kosova, ata u ndanë. Vuçiç e quajtur Kosovën “të ashtuquajtur”, ndaj Rama s’ia përtoi.
“Sipas të dhënave që kam marrë nga shërbimet e mia, janë 2629 artikuj që janë shtypur në median europiane për Serbinë pas sulmit rus. Artikuj që thonin se Serbia po vë në rrezik gjithë Ballkanin Perëndimor duke vendosur trupa dhe duke rrezikuar Bosnjen dhe të ashtuquajturën Kosovë”, tha Vuçiç, për t’u përballur me reagimin e Ramës.
“Aleksandri e quan e ‘ashtuquajtura Kosovë’, unë e quaj Kosovë dhe pikë. Sikur ne do të luftoni ç’vend do të kishte qenë Ballkani? Ky është një projekt, Ali Ahmeti e thotë thjesht: Ne nuk duam luftë tjetër dhe duam që të mbajnë sa më larg të jetë e mundur çdo fantazmë nga shkuara apo e tashmja. Nuk duhet të jetë problemi i qeverisë së Kosovës për të ardhur, por duhet të kishte qenë problemi i Serbisë për të pranuar. Kjo paqe përfundimtare që kërkojmë do të vijë përmes Ballkanit të Hapur”, arsyetoi Rama. /tesheshi.com/
