Papagajtë, specifikë për zonat me klimë tropikale, kanë krijuar koloni të mëdha në Stamboll, kështu që vlerësohet se ka më shumë se 6,000 prej tyre në megapolin turk.
Deri kohët e fundit, papagajtë tropikalë banonin vetëm në parqet e Stambollit, por tani ata po krijojnë koloni në të gjitha pjesët e qytetit, siç vërehet nga fotoreporteri Anadolu Agency (AA).
Historia e papagajve në Stamboll filloi me një aksident automobilistik në 1996, kur një kamion që i ngarkuar me to u përmbys në autostradë. Kafazet u thyen dhe zogjtë llafazanë ikën.
Ornitologët vlerësojnë se ka rreth 10,000 sosh në territorin e Turqisë, nga të cilët më shumë se gjysma janë në Stamboll. Përveç Stambollit, papagajtë banojnë rreth njëzet qytete të tjera turke.
Edhe pse është bukur për t’u parë, ekspertët janë të shqetësuar sepse kjo specie pushtuese prish ekuilibrin natyror, duke rrezikuar speciet e zakonshme në zonë, veçanërisht sorrat, ketrat dhe lakuriqët e natës. /tesheshi.com/
