Nëse i keni bezdi palestrat, nëse nuk keni palestër afër shtëpisë apo janë shumë të shtrenjta, atëherë mund të provoni të ruani linjat dhe të humbisni peshë edhe pa palestër. Mjafton të bëni ushtrimet e duhura:
Krijoni palestrën tuaj të personalizuar
Nuk keni nevojë të zini hapësira të mëdha; mjafton një kënd i dhomës ku mund të shtroni një rrugicë dhe të lini mjete palestre. Në mungesë mund të sajoni dhe mjete rrethanore. Krijoni një program ditor prej gati gjysmë ore në ditë me ushtrime si ngritje peshash të lehta për krahët dhe shpatullat, pompa, biçikletën, ushtrime për këmbët dhe për barkun etj.
Ekskursione
Një ose dy herë në javë dilni për ekskursione me ecje të gjata ose me ngjitje lartësish.
Ecje
Dilni rregullisht çdo ditë për ecje ose për vrap. Minimumi 45 minuta ecje në ditë ose çerek ore vrap sa për fillim.
Punët e shtëpisë
Punët e shtëpisë mund të jenë një aktivitet fizik i lodhshëm edhe pse shpeshherë nuk e marrim në konsideratë.
Biçikleta dhe noti
Provoni sporte të lehta si biçikletë apo not. Kjo varet dhe nga kushtet klimatike por mund t’i alternoni sipas mundësisë. Gjysmë ore sport apo biçikletë të ndihmon të djegësh gati 200-300 kalori. /tesheshi.com/
