Kurrë nuk është vonë që t’i mësoni fëmijët të vlerësojnë paratë…
Por cila është forma më e mirë?
-Filloni me kursim
Më thjesht nuk ka ku të shkojë: sajoni diçka transparente ku fëmija të fusë të hollat e tij, monedha apo kartmonedha qofshin, pasi kjo është më efektive; fëmijët mund të shohin me sy se si po u rriten kursimet. Dhe për çdo para që ata mund përfitojnë (një ditëlindje, një festë, ose nga ndonjë mysafir), u thoni që t’i vënë mënjanë për kursim një pjesë të shumës.
-Përpiloni një listë dëshirash dhe buxhetin
Kur ju ndihmoni fëmijët tuaj në përpilimin e një liste të asaj që ata dëshirojnë, dhe u thoni atyre që të mbledhin të holla për këtë qëllim, kjo do t’i mësojë ata që të ruajnë paratë për disa gjëra më të rëndësishme që ata duan, në vend që t’i shpenzojnë në gjëra absurde, si patatina ose të ngjashme. Lista duhet të përmbajë të gjitha gjërat që ata dëshirojnë, të renditura sipas rëndësisë. Kur të mbledhin paratë, ofrojuni ndihmën rreth blerjes.
-Mos u bleni menjëherë gjërat që ata i dëshirojnë
Vetëm për shkak se ju shkoni në market për të blerë diçka, kjo nuk do të thotë që ju duhet t’i bleni edhe fëmijës tuaj një lodër të re. Çdo herë definojeni qëllimin e shkuarjes në market. Nëse ata shohin diçka që dëshirojnë të kenë, inkurajoni që ta vënë atë në listën e dëshirave dhe të mbledhin të hollat për të. Ky mësim është shumë i rëndësishëm, sepse fëmija do të kuptojë se paratë duhen ruajtur dhe se nuk duhet të varet gjithmonë nga të ardhurat e prindërve. /tesheshi.com/
