Me anë të një platforme të re “social” të quajtur Polygree, është e mundur të kontrollohet vërtetësia e informacioneve të shpërndara.
Kjo media është lançuar në formë beta në muajin tetor. Falë Polygree, mund të kuptojmë sa të vërteta janë lajmet që lexojmë në internet.
Por si funksionon kjo platformë?
Me pak fjalë, Polygree ua mundëson përdoruesve që të denoncojnë lajmet dhe informacionet që mendojnë se janë të pavërteta. Platforma nga ana tjetër, ua kalon këto denoncime specialistëve të fushës, të cilët gjenden në bazën e të dhënave të saj.
Ata më pas do të japin vlerësimin e tyre në lidhje me këtë. Për më tepër, audienca do të mund të komentojë në lidhje me vërtetësinë e lajmit. Më pas, çdo lajmi do t’i vihen pikë, në varësi të besueshmërisë. Pikët vihen duke mbledhur vlerësimin e publikut dhe atë të ekspertëve. /tesheshi.com/
