Shumica e njerëzve kur ballafaqohen me refluksin acidik në lukth, gjëja e parë që u shkon ndër mendje është të përdorin antacide. Edhe ato ndihmojnë në përmirësimin e tretjes, por kush dëshiron të marrë antacide, kur ekzistojnë mënyra natyrale të cilat qetësojnë dhimbjen pa efekte negative për shëndetin.
Ja disa ilaçe natyrale të cilat mund t’i përdorni me qëllim që të ndalni sikletin e shkaktuar nga hiperaciditeti dhe djegësira e stomakut (urthi).
Gjethet e mentes
Janë efektive në zvogëlimin e përmbajtjes së acidit në stomakun tuaj. Ato po ashtu ndihmojnë në përmirësimin e tretjes së ushqimit. Me efektin e tyre qetësues, djegia dhe simptomat e tjera të refluksit mund të eliminohen. Ja si mund të përdorni fletët e mentes për lehtësim:
1.Prini gjethet e mentes
2.Vloni një tenxhere me ujë
3.Pasi të vlojë, i shtoni gjethet e mentes
4.E largoni tenxheren dhe e keni të ftohet
5.E pini ujin
Bananet
Në qoftë se të pëlqejnë bananet, ja edhe një arsye më shumë përse duhet të hani këtë frut. Ato përmbajnë sasi të larta të kaliumit, të cilat ndihmojnë në mbajtjen e nivelit aciditetit të stomakut nën kontroll. Bananet po ashtu ndihmojnë në prodhimin e mukusit në stomakun tuaj, që po ashtu mbron nga sasia e tepërt e acidit. Përmbajtja me shumë fibra ndihmon në rritjen e normës së tretjes, e cila mund të zvogëlojë përsëritjen e fluksit të acidit. Për të pasur rezultate më të mira, është mirë të hahen bananet pjekura mirë, pasi përmbajnë më tepër kalium sesa banania normale.
Qumështi i ftohtë
Përmbajtja e lartë e kalciumit në qumësht është e mirë për parandalimin e grumbullimit të acidit në lukth. Sa herë që ndjeni djegie në lukth apo mbi lukth, përdorni një gotë qumësht të ftohtë. Me të vërtetë ndihmon, sidomos nëse nuk përmban sheqer dhe aditivët tjerë.
Xhenxhefili
Është i mirë pasi ndihmon në përmirësimin e tretjes së ushqimit. Po ashtu ndihmon në përmirësimin e absorbimit të nutrientëve të ndryshëm të ushqimit. Parandalon shfaqjen e ulcerave dhe ndihmon sekretimin e mukusit. Nëse ju duket e rëndë ta hani xhenxhefilin, atëherë mund ta përdorni në ujë pasi të ketë vluar. /tesheshi.com/
