Shumica e tyre nuk janë të rrezikshëm dhe nuk do t’ju lëndojnë nëse ju nuk i prekni ata, por disa mund të jenë të paparashikueshëm dhe shumë agresivë. Në një situatë të tillë, është mirë që të qëndroni të qetë dhe të mos harroni këto këshilla …
-Mos bëni panik
Besohet se qentë dhe kafshët e tjera mund të ndjejnë frikën e njeriut. Megjithatë, është e vështirë që të qëndroni të qetë kur disa qenë agresivë lehin në drejtimin tuaj. Nëse kërkoni ndihmë dhe filloni të ikni, kjo do të zgjojë instinktin e gjuetisë së qenit dhe do të nxisë atë që t’ju sulmojë ju.
-Ngadalsoni hapat
Në qoftë se ndesheni në një qen ndërsa jeni duke vrapuar, ngadalësoni dhe filloni të ecni. Kthehuni dhe filloni të ecni në drejtim të kundërt, por njëkohësisht duke përcjellë me sy qenin.
-Mos e shikoni qenin në sy
Kontakti direkt me sy mund të rrisë sjelljen agresive të qenit, pasi mund ta interpretojë si një kërcënim. Prandaj, përpiquni ta shmangni.
-Përdorni ndonjë mjet për të zhvendosur vëmendjen e qenit
Jepini atij diçka që të kafshojë, si p.sh çantën tuaj apo çfarëdo tjetër që ju qëllon në dorë. Kjo do të zhvendos vëmendjen e tij dhe t’ju japë juve kohë që të ikni për të shpëtuar.
-Urdhëroni qenin që të tërhiqet
Nëse qeni vazhdon të veprojë në mënyrë agresive, urdhërojeni që të largohet, ashtu që të tingëlloni i vendosur dhe me vetëbesim të plotë, pa shfaqur shenja luhatjeje. /tesheshi.com/
