Franca ka përjetuar tjetër zjarr në katedrale, pas atij tragjikut në të famshmen Notre Dame në Paris. Kësaj here, në flakë u gjend katedralja e Nantes.
E ndërtuar në shekullin e 15-të, katedralja u përfshi nga flakët këtë mëngjes, duke trazuar sërish opinonin francez.
#Nantes | Courage aux sapeurs-#pompiers du @SDIS44 engagés sur l’#incendie à la cathédrale Saint-Pierre-et-Saint-Paul de #Nantes.
Protéger, secourir et sauver. pic.twitter.com/z8ZaigcI3s— Pompiers de France (@PompiersFR) July 18, 2020
Avokati i Shtetit Pierre Sennes u tha gazetarëve se tre zjarre kishin shpërthyer në katedrale dhe se incidenti po hetohet si vepër penale. Ai nuk zbuloi më shumë detaje.
Dhjetra zjarrfikës mundën ta fusin zjarrin nën kontroll pas disa orësh luftimesh, ndonëse ende del tym nga ndërtesa gotike.
Shefi lokal i zjarrfikësve, Laurent Ferlay, tha se 104 zjarrfikës ishin akoma në vendin e ngjarjes për t’u siguruar që zjarri ishte plotësisht nën kontroll. /tesheshi.com/
