Gërshetat me kos janë kruasante të buta dhe të lehta. Për përgatitjen e tyre nuk duhet as qumësht, as vaj, e as gjalpë, sepse kosi është një zëvendësues i mirë i këtyre përbërësve.
Receta për 8 gërsheta
– 500 gr miell 00
– 200 gr kos (ose jogurt i bardhë)
– 140 gr sheqer pluhur
– 1 vezë e madhe ose 2 mesatare
– 13 gr maja
– Pakëz kripë
Përgatitja:
Në një enë vendosni miellin në formë kodre dhe në majë, pra në mes, hidhni vezën, majanë të shkrirë në një gjysmë gote ujë, sheqerin dhe me pas kosin pak nga pak. Përgatitni brumin dhe ndërkohë shtoni dhe kripën. Punojeni brumin për gati 10 minuta e pastaj lëreni për tre orë që brumi të vijë.
Merreni masën dhe ndajeni në 8 toptha të cilat pastaj do t’i ndani në 3 pjesë secilën për të formuar gërshetat. Përsëri prisni dhe të paktën dy orë të tjera.
Më pas gërshetat i fusni në një enë për pjekje në furrë me temperaturën 180 gradë për gati 15-20 minuta. Mund t’i shtoni sipër sheqer pluhur ose dhe t’i mbushni me Nutella apo reçel. /tesheshi.com/
