2 lugë gjalpë
2 qepë të kuqe
1 thelp hudhër
500 gr patate
3 speca me ngjyrë të ndryshme
1 spec djegës
4 lugë salcë domateje
1 gotë koncentrat perimesh
2 kokrra domate
300 gr fasule të kuqe
1 majë luge sheqer
Kripë
Piper i zi
Vendosim tenxheren me dy lugë gjalpë dhe kaurdisim fillimisht qepën të grirë imët së bashku me një thelpi hudhër. Sapo qepa të fillojë të bëhet transparente shtojmë specat dhe patatet të prera në kubikë mesatar.
I kaurdisim për pak minuta dhe më pas shtojmë salcën e domates dhe një gotë koncentrat perimesh. Vendosim kapakun dhe e lemë gatimin të ziejë në temperaturë mesatare për 10 minuta. Më pas shtojmë domatet të qëruara nga lëkura dhe të kaluara në blender.
Shtojmë dhe një majë luge sheqer dhe e lemë supën të gatuhet dhe për 10 minuta të tjera. Në fund shtojmë fasulet e ziera, kripën dhe piperin e zi dhe e servirim shoqëruar me pak oriz kokërrgjatë. /tesheshi.com/
