Panxharin mund ta gatuani më së miri në formën e sallatës. Kombinojini edhe me pak ullinj dhe dreka është gati në vetëm pak minuta.
Përbërësit:
5 panxharë
2 lugë gjelle ujë
2 lugë gjelle uthull
2 lugë gjelle vaj ulliri
1/2 lugë çaji kripë
1/4 lugë çaji piper i zi
1/4 filxhan ullinj (të prerë)
2 lugë gjelle nenexhik i freskët
Përgatitja:
Pastojini panxharët dhe shtojini në një tenxhere me ujë. Vendosini në zjarr të ziejnë për rreth 15 minuta, derisa të zbuten. Largojini më pas nga zjarri dhe lërini të ftohen. Qërojini dhe prejini në copa mesatare.
Në një tas të vogël shtoni uthullën, ujin, vajin e ullirit, pak kripë dhe piper të zi.
Në një pjatë për servirje vendosni panxharin, ullinjtë dhe nenexhikun.
Spërkateni sallatën me salcën e përgatitur dhe lëreni mënjanë për rreth 1 orë. Më pas është gati për t’u shërbyer./tesheshi.com/
