Nutella e pregatitur në shtëpi është versioni më i mirë i mundshëm i përgatitur me lajthi, çokollatë, qumësht dhe sheqer kane. Mjaftojnë vetëm pak përbërës për një rezultat me të vërtetë fantastik të cilin mund ta aplikoni më pas në kek, torta apo biskota të ndryshme. Nutella e bërë në shtëpi është shumë energjike dhe përgatitet në pak kohë e mund ta ruani në frigorifer për një javë.
Përgatitja
Shtypni lajthitë dhe vendosini në 180 gradë në furrë për 30 minuta, deri sa lajthitë të marrin një ngjyrë të artë. Më pas lërini të ftohen. Hidhini në një mikser bashkë me sheqerin e kanës, dhe frulatojini të gjitha bashkë deri sa të krijoni një krem fluid. Më pas shtoni vajin, ekstraktin e vaniljes dhe duke e frulatuar shtoni edhe qumështin.
Sapo përbërja të bëhet homogjene, shtoni edhe çokollatën që e keni shkrirë në banjë marinë me disa lugë ujë. Përziejini akoma dhe më pas shtoni Nutellën e krijuar në shtëpi në një apo disa kavanozë.
Lëreni Nutellën për të paktën një orë në frigorifer, deri sa ajo të ftohet./tesheshi.com/
