Planifikoni një darkë me miqtë? Ku ka më mirë se një pjatë të ftohtë me kuskus dhe pulë e cila mund të jetë zëvendësuesja më e mirë dhe më e shëndetshme e pjatës me makarona. Mund të jetë praktik gjithashtu për ushqim për t’u marrë me vete në zyrë ose për piknik. Mund ta bëni në dy mënyra: me zarzavate ose me pulë.
Me zarzavate:
– 200 gr kuskus
– 220 gr vaj ulliri
– Pak kripë (mund të shtoni dhe erëza të tjera si xhinxher i grirë, shafran, erëza kuminini etj)
– zarzavate si: kungull, speca të kuq, karotë, qiqra etj.
Përgatitja:
Në një enë vendosni 200 gram kuskus. Hedhim 1 lugë kafeje kripë dhe erëza sipas dëshirës. Pasi e përziejmë i hedhim dhe 1 lugë gjelle vaj ulliri. Zarzavatet i ziejmë, por jo shumë dhe ujin e zarzavateve ia shtojmë kuskusit me masën 1 me 1, pra në këtë rast 400 gram. Enës i vendosim sipër një kapak dhe e lëmë minimumi gjysmë ore. Sipër i shtojmë zarazavatet.
Kuskus me pulë:
Do të veprojmë në të njëjtin mënyrë si me kuskusin me zarzavate, vetëm se këtë herë pulën do ta ziejmë në fillim dhe më pas shtojmë zarzavatet në zierje. Ujin e zier ia hedhim kuskusit dhe lëmë të qëndrojë për gjysmë ore. Mishi i pulës duhet të jetë pjesë nga gjoksi i pulës dhe mund të bëhet fije-fije me një madhësi sipas dëshirës.
Sugjerim: kuskusit me pulë mund ti shtojmë dhe feta të holla ullinjsh të zi ose dhe pak ton peshku (në këtë rast quhet kuskus mesdhetar). /tesheshi.com/
