Keku me luleshtrydhe, i quajtur ndryshe edhe clafoutis është një ëmbëlsirë e shijshme, pak a shumë e ngjashme me pudingun dhe që përgatitet me vezë, qumësht e miell të shoqëruar me luleshtrydhe të freskëta. Është një ëmbëlsirë tipike e pranverës, shumë e thjeshtë dhe e shpejtë për t’u gatuar, pa gjalpë dhe me shumë fruta të freskëta. Nëse preferoni, luleshtrydhet mund t’i zëvendësoni me qershi, pjeshkë apo fruta pylli.
Procedimi:
Sitni fillimisht miellin, më pas shtoni sheqerin dhe pak kripë, duke i përzier të tre elementët bashkë, me dorë. Shtoni pak nga pakë qumështin dhe vezët. I përzieni deri sa të krijohet një masë kremoze dhe homogjene.
Shtoni luleshtrydhet (apo frutat që ju dëshironi) dhe pak vanilje për aromë. Përzierjen hidheni në një enë, të cilën e keni lyer më parë me pak gjalpë.
Futeni në furrë në temperaturë 180 gradë për rreth gjysmë ore. Më pa nxirreni nga furra, lereni të ftohet dhe dekorojeni me pak sheqer pluhur. /tesheshi.com/
