Krepat janë një ëmbëlsirë me origjinë franceze ndërsa emri vjen nga latinishtja “crispus” që nënkupton mbështjellje me rrotullim.
Përbërësit për 12 krepa
- 250 ml qumësht
- 100 gr miell 00
- 25 gr gjalpë
- 2 vezë të plota
- kripë
Vendosini në mikser ose në makinën për rrahje qumështin, vezër, kripën, gjalpin dhe miellin. Lëreni masën në një enë për të paktën 30 minuta.
Lyeni një ftere që nuk ngjit me pak gjalpë dhe shtoni masën mjaftueshëm sat ë përhapet në të gjithë fteren por të jetë e hollë mjaftueshëm sa mos të prishet kur ta kthejmë nga ana tjetër.
Mbushjen mund ta zgjidhni sipas dëshirës: të kripur ose të ëmbël. Mënyra tradicionale është ajo me mjaltë ose çokokrem dhe fruta. Gjithashtu mund t’i shtojmë dhe fruta të thata apo biskota të grimcuara. /tesheshi.com/
