Përdorimi i gjetheve të aloe verës për qëllime kozmetike ka nisur shumë kohë më parë. Vitet e fundit, është përhapur edhe praktika e përdorimit të tyre në shtëpi. Xheli i brendshëm i gjetheve, i përdorur pa u përpunuar, thuhet se ka efekte të mira.
Disa dermatologë pohojnë se nuk është i këshillueshëm përdorimi i menjëhershëm, për shkak të pranisë së disa substancave që duhen larguar.
Si ta përdorni?
Prisni një gjethe aloe vera dhe shpëlajeni mirë. Mbështilleni me një pecetë letre dhe lëreni për dy javë në frigorifer. Pas kësaj kohe priteni gjethen përmes dhe merrni tulin xhelatinoz. Lyeni me të fytyrën duke u kujdesur që të ngelen gjurmë prej xhelit në lëkurë. Është një lloj maske që duhet lënë për 15-20 minuta e më pas duhet shpëlarë me ujë të rrjedhshëm. Nuk është nevoja ta lani fytyrën me sapun pas këtij procesi./tesheshi.com/
