Të gjithë e dimë se aktiviteti fizik i rregullt dhe konsumi i ushqimeve të shëndetshme na bën më të fortë dhe më pak të ekspozueshëm ndaj sëmundjeve të ndryshme. Sipas një ekipi kërkuesish në spitalin Royal Free të Londrës, ka disa ushqime, të cilat, më shumë se të tjerët, mund të shkaktojnë probleme me shëndetin dhe mbi të gjitha, sëmundje të rënda si tumori i gjirit, një nga tumoret më të shpeshta tek femrat.
“Jam gjithmonë edhe më i bindur se një dietë e shëndetshme dhe një stil jete i rregullt, luajnë një rol fondamental në zhvillimin e kancerit të gjirit. Disa ndryshime të vogla në jetën tonë mund të bëjnë me të vërtetë diferencën, sa i takon zhvillimit të sëmundjes. Disa studime tani tregojnë se rreth 9% e rasteve të kancerit mund të parandalohen nëpërmjet ushqimit”,- thotë për Mail One profesori Mohammad Keshtgar, kryesues i kërkimit mjekësor.
Çfarë duhet të hamë dhe cilat janë ushqimet që duhet të eliminojmë?
“Perimet si brokoli, lulelakra e Brukselit, lulelakra normale, lakra e kuqe dhe lakra e bardhë kanë nj përmbajtje të lartë të substancave tretëse, të cilat shkencërisht mund të parandalojnë formimin e qelizave kancerogjene dhe të bllokojnë tumoret e këqija”,- bën me dije profesori.
Farat bimore janë burim mirëqenieje për organizmin tonë, pasi janë të pasura me fibra dhe proteina si dhe të përsosura për t’iu shtuar perimeve, në sallata, në pjata të ftohta si edhe në ato të ngrohta.
Ato që duhet të parandalohen
“Ka konservues që i shtohen mishit në procesin e prodhimit – pançeta, salsiçet e ndryshme, wrustel etj janë ndër produktet më të këqia – të cilat mund të jenë kancerogjenë”. Për tu evituar është edhe mishi, mbi të gjitha ai i kuq, i pasur me shumë yndyrna, për të cilat trupi ka nevojë të një lloji tjetër./tesheshi.com/
