Të kesh një lëkurë të bronztë pas një dimri të gjatë është dëshira e të gjithëve. Me ardhjen e pranverës dhe diellit të parë, na pëlqen të përkëdhelemi nga rrezet e diellit për të patur një ngjyrë perfekte dhe jo të zbehtë.
Një ushqyerje e rregullt është në qendër të mirëqenies së organizmit tonë. Fokusohuni në ushqime të pasura me betakaroten dhe likopen, dy substanca që stimulojnë në mënyrë natyrale prodhimin e melaninës. Të fillosh me to që një muaj para ekspozimit ndaj diellit është shumë e nevojshme.
Fruta e perime me tul të kuq dhe të verdhë si portokalli. Filloni me karotën, specin e domatet, pasi janë aleatët më të mirë të nxirjes së lëkurës. Gjithashtu edhe frutat e stinës. Po vijnë qershitë, pjepri, shalqiri, kajsia, pjeshka etj. Mos harroni dhe brokolin dhe lakrën, të pasura me antioksidantë dhe të nevojshëm kundër plakjes së lëkurës. Domatet janë aleat shumë i mirë pasi kanë shumë likopenë dhe antioksidantë./tesheshi.com/
