Si të kujdesemi për ngjyrën e flokëve biondë

Vajzat që pëlqejnë flokët biondë por nuk i kanë ata natyralë, harxhojnë zakonisht shuma të mëdha parash nëpërmjet dekolorimit dhe bojës që paguajnë parukierët. Mirëpo, për të pasur flokët në gjendjen që ne dëshirojmë, duhet të kujdesemi së tepërmi për to edhe kur jemi në shtëpi e jo vetëm kur shkojmë tek parukieri.

Nëse nuk impenjohemi në kujdesin e rrënjës, ngjyra bionde do të zbehet shumë shpejt, për të mos thënë që do të shndërrohet në portokalli dhe brenda disa ditësh do të shohim se në kokë do të kemi një ngjyrë aspak të ngjashme me atë që donim. Por si ta rregullojmë këtë problem?

Pikë së pari, konsultohuni gjithmonë me parukierin në lidhje me tonalitetin dhe hijet që i përshtaten flokut tonë. Merrni informacionin e nevojshëm për të ditur nëse ngjyra do të ndryshojë me larjen e flokut. Biondja, me çdo lloj tonaliteti, ka tendencën e humbjes dhe zbehjes së ngjyrës, duke e lënë flokun me një ngjyrë si ndryshk, portokalli.

Ndaj është shumë e rëndësishme që të evitojmë larjen e flokëve shumë shpesh, duke e reduktuar këtë rutinë deri në dy larje në javë, me një shampo të thatë, mundësisht me pudët, çka nuk lejon ndotjen e menjëhershme të rrënjës dhe majave.

Mundohuni të përdorni një kufje kur bëni dush, që uji i nxehtë mos t’i prekë dhe mos ti yndyrosë flokët tuaj. Kujdesuni për llojin e shampos dhe të balsamit. Nëse keni mundësi, blijini ato tërësisht me bazë bimore./tesheshi.com/