Shumë persona duan të kenë thonj të shëndetshëm dhe të fortë e shpesh përdorin metoda të ndryshme, të cilat kushtojnë dhe jo gjithmonë janë efektive. Disa kanë zakonin ‘të hanë thinjtë’ edhe kur i kanë ata të lyer me manikyr dhe kjo gjë nuk bën tjetër veçse çon në dëmtimin dhe dobësimin e thoit.
Një zgjidhje e thjeshtë
Nëse thonjtë tanë nuk na pëlqejnë, nuk duhet të dëshpërohemi sepse ka gjithmonë një zgjidhje brenda në shtëpi. Zakonisht u ndodh femrave të mbajnë një limë në shtëpi apo edhe në çantë. Ato mund të jenë të madhësive të ndryshme. Mjafton të zgjedhim atë që është më e përshtatshmja për thoin tonë dhe ta limojmë herë pas here për t’i dhënë formën e duhur. Në këtë mënyrë, shmangim përdorimin e dhëmbëve si thikë apo si prefse. I limoni thonjtë edhe pasi t’i keni prerë ato me gërshërë, në mënyrë që të bëhen më të fortë dhe të kenë një formë të rregullt.
Keratina nga ushqimi
Keratina është një element i cili ndërton një pjesë të madhe të thoit. Të ushqehesh siç duhet do të thotë në një farë mënyre, të kujdesesh edhe për duart. Keratina nuk duhet të mungojë. Atë e gjeni tek soja, tek lakrat e brukselit, në agrume, tek drithërat integralë, tek kosi etj. Mos harroni edhe konsumin e mishit të bardhë e të peshkut, për të marrë proteinat e nevojshme, por edhe vezët e fasulet, për tu pasuruar me hekur.
Trajtime ekologjike për thonj të fortë dhe të shëndetshëm
Në blerjen e ushqimeve asnjëherë nuk harrojmë limonin dhe vajin e ullirit. Ato janë baza dhe ‘medikamente’ shumë të mira për të pasur thonj të fortë dhe pa njolla. Mund të përzieni një lugë me lëng limoni dhe dy lugë me vaj e të lyeni bazën e thonjve, për ta forcuar atë. /tesheshi.com/
