Ekzistojnë 129 këshilla nga viti 1958, ku grave iu diktohen si recetë për të gjetur një burrë. Shumë prej tyre janë me të vërtetë komike.
Këshillat u botuan në revistën amerikane McCallis në 1958 dhe që pretendohej se do të ndihmonin çdo vajzë që të gjejë një burrë.
Autorët e artikullit janë Jhan dhe June Robbins, dhe në fillim thuhet se një ekip prej gjashtëmbëdhjetë ekspertësh përdori një teknikë që frymëzoi mijëra ide të mëdha që duhet të ndihmonin në fushën e dashurisë dhe martesës dhe që u diskutuan në një tryezë të rrumbullakët.
Ja disa prej tyre:
– Merrni një qen dhe ecni me të.
– Bëni që makina juaj të prishet në vendet strategjike.
– Bëni disa pushime më të shkurtra në vende të ndryshme sesa një pushim më të gjatë në një vend.
– Uluni në një stol parku dhe ushqejini pëllumbat.
– Pengohuni kur hyni në dhomën ku ai është.
– Ji e mirë me të gjithë, mbase ata kanë një vëlla apo një djalë për ty.
– Tregojuni miqve tuaj se jeni të interesuar të martoheni, mos e fshihni.
– Mos pranoni një punë në një kompani ku shumica që punojnë janë gra.
– Vishni një fashë, njerëzit janë gjithmonë të interesuar për atë që ju ka ndodhur.
– Qëndroni në qoshe dhe qani butë. Ka shumë mundësi që ata do të vijnë tek ju dhe do t’ju pyesin se çfarë ka ndodhur.
– Bleni një kabrioletë, burrave u pëlqen të hipin në to.
– Lereni çantën tuaj t’ju bjerë aksidentalisht dhe të gjitha gjërat të derdhen në rrugë.
– Kujdesuni për shëndetin tuaj, burrat nuk i pëlqejnë gratë e sëmura.
– Nëse dukeni mirë me një pulovër, visheni në çdo takim të tretë.
– Dërgoni nënës së tij një kartolinë për ditëlindjeje.
– Mësoni të qepni dhe vishni diçka që keni bërë vetë.
– Nëse ai shkon për peshkim, mësoni të pastroni peshkun.
– Mësoni të luani poker.
– Thuaji atij që shkalla e vdekshmërisë për beqarët është dyfish më e lartë se për burrat e martuar.
– Merrni një licencë gjuetie.
– Jini të mirë me burrat e shëmtuar.
– Bëni një dietë nëse keni nevojë. /tesheshi.com/
