Nëse dëshironi një pjatë të lehtë dhe të shëndetshme, kjo recetë supe do të ishte një zgjedhje perfekte. Përbërësit janë shumë të thjeshtë dhe e keni gati në vetëm 30 minuta.
Përbërësit:
500 gram kungulleshka
1 thelp hudhër
1 ½ lugë gjelle vaj ulliri
300 gram patate
200 gram bizele të ngrira
1 litër lëng pule
90 gram djathë parmixhan
½ lugë gjelle piper i bardhë
Përgatitja:
Nxehni vajin e ullirit në një tigan të madh në temperaturë mesatare. Skuqni kungulleshkakt e prera, hudhrën dhe piperin e bardhë për 5 minuta.
Hidhni lëngun e pulës, patatet e prera dhe mbulojini me kapak. Lërini të ziejnë për 15-20 minuta.
Shtoni më pas bizelet dhe gatuajini për 5 minuta. Hidhni djathin parmixhan dhe përziejini derisa të shkrihet.
Tranferojeni përzierjen në blender dhe bëjeni supë krem. Më pas supa është gati për t’u shërbyer./tesheshi.com/
