Një pjatë që u shkon shumë festave dhe sidomos të dielave. Ëmbëlsia e bajameve kontraston në mënyrë të këndshme shijen unike të rukolës së freskët.
Përbërësit për 4 persona:
75 gram miell
120 gram proshutë e tymosur
300 gram djathë kremoz
50 gram bajame të cilave u keni hequr lëkurën
piper
200 ml qumësht
1 vezë
1 tufëz rukola
20 gram gjalpë
pak kripë
Përgatitja:
Shkrini gjalpin dhe pastaj rriheni bashkë me vezën, miellin, pak kripë dhe qumështin.
Prisni imët tufën e rukolas dhe shtojani brumit. Më pas piqni pak bajamet dhe lërini mënjanë. Filloni të bëni krepat. Në një tigan nxehni pak gjalpë dhe hidhni një garuzhde nga brumi duke formuar një krep. Vazhdoni derisa të përfundojë brumi.
Bëni mbushjen e krepave me bajamet e pjekura, djathin kremoz, proshutën e tymosur, kripë e piper. Pasi t’i keni mbushur dhe mbyllur krepat futini në furrë për 10 minuta në 200 gradë Celsius./tesheshi.com/
