Në këtë sezon hurmat mund t’i gjeni shumë të shijshme dhe të freskëta. Ndaj recetat me këtë frut bëhen akoma më të veçanta. Lexoni recetën për të bërë një ëmbëlsirë me këta përbërës dhe një shije fantastike.
Përbërësit:
500 m1 qumësht, 3 hurma të pjekura, 5 vezë, 60 gr sheqer
Përgatitja:
Përgatisni në fillim karamelin duke hedhur sheqerin në një tenxhere. Mbulojeni me pak ujë dhe vendoseni në zjarr shumë të ulët.
Hiqeni nga zjarri, hidhni karamelin në formën ku do të përgatisni ëmbëlsirën. Qëroni hurmat, hiqjuni farat dhe kalojeni tulin e tyre në mikser.
Në një enë, rrihni vezët, shtoni qumështin dhe hurmat. Hidheni masën në formë dhe piqeni në furrën, të cilën e keni ngrohur më parë në 180° për 50 minuta.
Hiqeni nga forma, vendoseni në një pjatë sa të ftohet. Zbukurojeni me feta hurmash./tesheshi.com/
