Gatimet tradicionale gjithmonë janë pjatat tona më të dashura. E tillë është dhe kjo tavë e cila gatuhet në shumë pak minuta por me një shije shumë të mirë.
Përbërësit:
1 kg presh
100 gr oriz
200 ml ujë
2 lugë gjelle vaj ulliri
50 gr salcë domate
Piper i kuq
Kripë
Përgatitja:
Fillimisht lani preshin dhe pastrojeni. Më pas pritini në formë rrethore. Më pas preshët e prerë shtrojini në një tavë të lyer me një tavë ulliri.
Sipër tyre shtoni vaj ulliri dhe kripë. Futini të piqen për 10 minuta në 220 gradë. Ndërkohë në një tenxhere hidhni ujin, kur uji të ketë vluar, shtoni salcën e domates.
Nxirrni tavën nga furra, shtoni orizin duke e spërkatur mbi preshët. Sipër orizit dhe preshëve hidhni lëngun. Futini sërish të piqen në 200 gradë derisa orizi të përthithë ujin dhe të jetë zbutur./tesheshi.com/
