Orizi është një ushqim kryesor në shumë kuzhina në botë si dhe është një përbërës i përsosur i cili i jep trupit mjaft përfitime. Të gjithë mund të thonë se orizi përgatitet shumë thjesht. Ndër përfitimet e shumta që ai i jep trupit, mund të përmendim rritjen e shpejtë të energjisë, rregullimin e qarkullimit të gjakut, stabilizimin e sheqerit në gjak si dhe është një burim i pasur me vitaminën B1. Gjithsesi, si shumë drithëra të ngjashme me të, konsumi i tepërt i orizit rrit mundësitë e prekjes nga diabeti i tipit 2. Një filxhan oriz ka 200 kalori.
Studimet e fundit kanë treguar se vlerat e shumta kalorike të orizit mund të pakësohen vetëm me një marifet të thjeshtë.
Dr. Sudhair James, i cili ka drejtuar një studim ku tregohet për vlerat kalorike të orizit, shpjegon se “për të ulur kaloritë e tepërta të orizit, përpara se ta hedhim atë në ujë të zier duhet të shtojmë pak vaj kokosi, rreth 3% të sasisë së orizit. Përpara se ta gatuajmë, duhet ta lëmë në frigorifer për 12 orë”./tesheshi.com/
