Nëse keni një udhëtim të gjatë ose qoftë një udhëtim të shkurtër por që me të mbërritur në destinacion ju pret një ditë e gjatë aktive dhe keni nevojë për pak gjumë, atëherë ndiqni këshillat e mëposhtme:
- Porosisni një vend pranë dritares, është një kënd i qetë larg zhurmave të kalimtarëve në koridor dhe të karrocës së servirjes.
- Mundohuni të krijoni kushtet e shtëpisë. Nuk është e thënë të vishni pizhame por të paktën merrni një jastëk, një palë pandofla ose papuçe që mund t’i ndërroni gjatë udhëtimit.
- Rezistojini pijeve me kafeinë dhe zgjidhni diçka qetësuese.
- Fikni ekranin e televizorit. Mos shpresoni se duke parë pak TV do ju zërë gjumi, përkundrazi rrezet që lëshon ekrani e mbajnë trurin të zgjuar.
- Vishu përshtatshëm që nga shtëpia. Zgjdhni më mirë një vëshje sportive dhe sa më të lirshme.
- Filloni të mësoheni me ndryshimin e zonës të paktën nja dy ditë para udhëtimit. Filloni flini më herët dhe zgjohuni herët nëse do të udhëtoni drejt lindjes dhe e kundërta nëse do të udhëtoni drejt perëndimit.
- Paraprijini shqetësimeve. Lidheni rripin e sigurimit që kur të mbështeteni për të fjetur që mos t’ju shqetësojnë për t’ju kujtuar për rripin. Ndërkohë një mesazh i drejtëpërdrejtë mund të jenë edhe një palë syze gjumi dhe një palë kufje.
- Filloni me pak meditim. Lexoni disa faqe nga libri, shtriquni pak, shtrini këmbët dhe qendroni ashtu për nja 10 minuta.
- Pozicionohuni mirë për gjumë. Uleni sediljen mjaftueshëm sa mund t’ju lejohet pa shqetësuar pasagjerët pas. Nëse në shtëpinë tuaj jeni mësuar të flini në një kënd në të djathtën tuaj atëherë veproni njësoj. Imagjinoni sikur jeni në shtratin tuaj dhe mbyllni sytë! /tesheshi.com/
