Eksploroni në kuzhinë dhe përgatisni pjata të veçanta si kjo recetë. Përbërësit e kësaj sallate janë shumë të thjeshtë dhe mënyra e përgatitjes po ashtu. Ja si ta bëni vetë në shtëpi.
Përbërësit:
4 feta proshutë
4 feta bukë e bardhë (për tost)
¼ gotë majonezë
4 domate të mëdha
¼ gotë vaj ulliri
4 gota sallatë jeshile e grirë
Kripë
Piper
Përgatitja:
Skuqni fillimisht proshutën e prerë në një tigan për rreth 8-10 miuta. Vendoseni në një pjatë me pecetë kuzhine.
Lyeni të dy anët e fetave të bukës me majonezë. Vendoseni tiganin sërish në zjarr dhe renditni në të bukët. Skuqini nga 2 minuta në secilën anë derisa të marrin një ngjyrë të artë në kafe.
Prejeni domaten në krye dhe largoni pjesën e tulit dhe farat. Vendosini në një kullesë të kullojnë lëngun dhe hidheni këtë të fundit në një enë të pastër.
Spërkatini domatet me pak kripë dhe piper. Në një tas të madh miksoni sëbashku vajin dhe lëngun e domateve. Hidhni pak kripë dhe piper të zi.
Shtoni sallatën jeshile, tulin e grirë të domateve, proshutën, kripën dhe piperin dhe përziejini mirë. Mbushni me të domatet.
Prejini fetat e bukës në trekëndësha të vegjël dhe shërbejeni sallatën me to./tesheshi.com/
