Përbërësit:
1 kg limon
Sheqer
Ujë
Kripë
1 pako vanilje
Përgatitja:
Për përgatitjen e reçelit të limoni nevojitet edhe lëkura, ndaj duhet t’i lani me kujdes të gjithë limonët në mënyrë që t’i hiqni të gjitha papastërtitë.
Prejini në katërsh të gjithë limonat, vendosini në një tas të madh me ujë dhe shtoni në të edhe pak kripë për të hequr aciditetin e tyre.
Lërini aty për rreth 48 orë dhe duhet që t’u ndërroni ujin tri herë në ditë, pa u shtuar kripë.
Pas kësaj, limoni nuk do të përmbajë më acid dhe ndaj mund t’i largoni nga ena me ujë. Qërojini copat e prera të limonëve me anë të një thike të mprehtë dhe lërini lëkurat e tyre mënjanë.
Pasi t’i keni qëruar të gjithë copat e limonëve, peshojini ato në mënyrë që të llogarisni se sa sheqer do t’ju duhet, sepse sasia e sheqerit duhet të jetë e njëjtë me atë të limonave.
Hidhni në një tenxhere copët e limonave, sheqerin dhe vaniljen dhe lëkurët e limonave (këto të fundit sipas dëshirës.)
Lërini të ziejnë për rreth 45 minuta në temperaturë mesatare, duke i përzier herë pas here.
Për të provuar nëse ato janë bërë, nxirrni në një pjatë të vogël një lugë nga reçeli dhe nëse lëngu është trashur dhe është bërë ngjitës, do të thotë që janë gati. Në të kundërt, lërini të ziejnë edhe për disa minuta.
Së fundmi, largojini nga zjarri, lërini të ftohen dhe transferojini më pas në kavanoza qelqi të pastër./tesheshi.com/
