Mund të përdorni lakra jeshile të të gjitha llojeve, madje, mund t’i mblidhni edhe vetë, nëse i njihni. Janë fare të thjeshta dhe shumë të shijshme.
Përbërësit varen nga sasia e petullave që doni të bëni:
Miell gruri dhe pak misri
Pak djathë të bardhë
Lakra të ndryshme (spinaq, lëpetë, lulkuqe, qepë të njoma, erëza të freskëta etj)
Vezë
Kripë, piper
Vaj ulliri
Përgatitja:
Pastroni mirë të gjitha lakrat dhe pritini në copa të vogla. Në një enë të madhe përziejini me dy llojet e miellit, dhe gjithë përbërësit e tjerë. Punojini mirë në mënyrë që lakrat të ulin volumin dhe piqini në furrë ose në tigan. Në variantin e fundit do të thithin më tepër vaj./tesheshi.com/
