E përditshmja izraelite Maariv botoi një artikull në lidhje me mundësinë që ushtria okupuese sioniste të fitojë luftën në Gaza, duke theksuar se ideja e përgjithshme në Izrael është se ushtria është e fortë dhe e aftë për t’u përballur me çdo kërcënim, “edhe pse për herë të fundit ka arritur një fitore ushtarake në vitin 1967”.
Shkrimi nis me pyetjen: “A e kemi shqyrtuar mundësinë që ushtria jonë të mos fitojë sot?”. Më pas theksohet se edhe pas dy muajsh nga lufta në Gaza nuk duket fundi i saj, duke shtuar: “Izraeli besonte se e kishte bindur botën për rëndësinë e kësaj lufte, por duket se shpresa po shuhet në pamundësi për të arritur çdo lloj fitoreje. Populli izraelit po përpiqet të bindë veten me suksese dhe fitore sporadike. Megjithatë, duket se ajo që iu tha popullit të Izraelit nuk është aspak afër gjithë së vërtetës.”
Gazeta thekson se në vitet e fundit populli izraelit ka akuzuar politikanët për pengimin e ushtrisë për të arritur fitoren e dëshiruar, por duket se ushtria izraelite nuk është në gjendje ta bëjë këtë.
Më pas vazhdohet: “Ajo që ndodhi në Liban në 2006 dhe në operacionin ‘Protective Edge’ në Gaza në 2014 dhe në çdo raund luftimesh, përfundoi me gënjeshtra që ne i kemi ngrënë vetë, si për shembull se Nasrallah fshihet në strehën e tij.në Bejrut, ose se lëvizja Hamas është dobësuar dhe se veprimet e tyre synojnë vetëm ruajtjen e pushtetit në Gaza. Shoqëria izraelite po gënjen ende sot kur e bind veten se Hamasi ka humbur kontrollin mbi Rripin verior të Gazës, se populli i Gazës do të ngrihet kundër lidershipit, se Yahya Sinëar ka frikë dhe se të burgosurit do të lirohen së shpejti”.
Gazeta thekson se pavarësisht dëshirës së izraelitëve për të besuar se ushtria është e aftë të arrijë fitoren, “duket se, siç ndodhi në vitin 2014 në Gaza dhe në 2006 në veri, ushtria izraelite nuk është në gjendje të arrijë fitoren ndaj lëvizjes Hamas, e cila nuk ka forcë ajrore, tanke apo anije, armë precize perëndimore ose Kube të Hekurt për të mbrojtur banorët e saj. Izraeli nuk po lufton një shtet, por një organizatë të armatosur, dhe mburret me eliminimin e kreut të këtij apo atij departamenti, duke harruar se sistemi ajror i Hamasit nuk është si sistemi izraelit për të cilin janë shpenzuar miliarda dollarë nga Shtetet e Bashkuara të Amerikës, por një grup dronësh të blerë nga faqja e internetit ‘Ali Express…”
Gazeta theksoi se fundi i luftës është i panjohur për izraelitët, por situata aktuale është e tillë që njerëzit kanë frikë dhe se fëmijët izraelitë po luajnë lojën në parqe publike “Ku do të fshihemi nëse vjen Hamasi?”.
“Hamasi fitoi zemrat e njerëzve në botën arabe pas ngjarjeve të 7 tetorit, dhe sot lëvizja pret që miliarda të pompohen në rindërtimin e Gazës menjëherë pas luftës”, shkruan gazeta.
Në fund gazeta përfundon: “Është e vërtetë – dhe nuk varet nga interpretimi, por vetëm nga faktet – se kanë kaluar dy muaj dhe ushtria izraelite nuk e ka pastruar Rripin e Gazës….Ushtria izraelite nuk duket se është në gjendje ta bëjë këtë.” /tesheshi.com/
