Të gjithë tundohemi nga ushqimi kur jemi të mërzitur dhe shpesh e ngatërrojmë me urinë. Zakonisht ushqimet që hamë për të larguar urinë janë më kalorike se vetë vaktet.
Ja disa këshilla për të frenuar veten:
– Lexo etiketat e paketimeve
E rëndësishme është ta kuptosh se kur po ha kot. Zakonisht kjo ndodh kur shikojmë televizor ose bëjmë shëtitje të stërzgjatura. Herës tjetër para se të blesh një produkt për të kaluar mërzinë të paktën lexo etiketën.
– Mundohu të kuptosh nivelin e urisë
Për të kuptuar nëse vërtetë ke uri provo të pish një ose dy gota ujë, nëse ende ndjen zbrazëti në stomak atëherë kjo është uri.
– Merru me diçka
Nëse nuk ke çfarë të bësh mos vrapo tek frigoriferi, por merru me diçka. Qoftë dhe kur je duke parë televizor mund të bësh ndonjë punë si psh të hekurosësh; të palosësh rroba apo dhe të pikturosh ose ngjyrosësh.
– Shmangi ushqimet jo të shëndetshme
Herës tjetër kur të shkosh për blerje, në vend të akullores dhe patatinave, zgjidh çokollatën e zezë, fruta për të bërë vetë akullore në shtëpi apo dhe fruta të thata.
– Shmang ngrënien në dhomën e ndenjes
Zakonisht çfarë hahet jashtë kuzhinës harrohet dhe nuk llogaritet në kaloritë ditore. Veja detyrim vetes të ngrënit në kuzhinë!
– Përcakto orare për pickimet
Përcakto një kohë të përshtatshme kur mund t’ia lejosh vetes ndonjë pickim si për shembull pas mëngjesit ose pas darkës. Kështu nëse tundohesh mund të presësh orarin e caktuar. /tesheshi.com/
